الأربعاء، 13 مايو 2009

مى زياده 1886-1941

مى زياده اديبه لامعه ،جمعت بين الجمال والمال ،والانوثه والموهبه والعلم والخلق،وقد تغزل فيها معاصروها
شعرا" و نثرا"فى حياتها ، وبعد رحيلها.لطفى السيد ،شوقى، العقاد ، خليل مطران وغيرهم كثيريين..
صورها العقادفى روايته الوحيده ساره تحتى اسم (هند) بوصفها نموزج الطهاره والتبتل.. فى مقابل نموزج الاثاره
والشهوه والمغامره التى تمثله ساره.
وكتب عنها الفريد فرج تمثليه تليفزيونيه باسم مذكرات لم تكتبها مى زياده.
وقد ولدت مى فى الناصره لاب لبنانى وام فلسطينيه،ودرست فى مدارس الراهبات والتحقت بالجامعه المصريه حيث لمع نجمها
وكتبت فنون القصه والشعر وا الفرنسيه والانجليزيه..
ومي باقيه فى الادبى العربى
.........

الجمعة، 1 مايو 2009

عريس جديد..!!

مساءالخميس الماضى رجعت من الشغل الساعه خمسه مساء وجدت ماما مخليه الشقه على سنجة عشره..خير يا ماما؟؟
بسرعه يا بنت ادخلى لتاخدى دش وعلشان فى ناس جايين يشوفوكى .. خير يا ماما؟؟ يشوفونى ليه؟؟عريس يا بنت!!ومامافى
بسمة الواحد والخمسين .. بسمتها جميله.. مين ياماما؟؟ فخرى ابن اخت طنط ايزيس وده يا سعاد خريج سياسه واقتصاد وشغال
فى توكيل سيارات..وبياخد اكتر من الفين جنيه!! ومش كبير اوى ده مكملشى اربعه واربعين..
قلت ماشى اشوفه.وبعد ماعملت شعرى ولبست بنطلون جينز وتى شرت فوشيا .. وعلى الساعه التاسعه والنصف ماما جرت
تفتح الباب ودخلت طنط ايزيس وطنط تريزا ومعاهم منير!!ودخلت وسلمت وجلست اشاهد منير!!مااقدرشى اوصفه لكن اللى خدت
بالى انه لايقل (شكلا) عن الخمسين.. والنظاره قعر كوبايه.. والخجل .حدث ولا حرج!! ولما شرب عصير الفراوله.. وجدت الكوب
اصابته الرعشه..والعين بدأت فى البربشه.. وكل ما يفتح فمه علشان يسأل اويتكلم .. ينظر لمامته او لخالته..
وتبدأ مامته وخالته فى الحديث ويقفل فمه من تانى!!.
ولاحظت ان البدله الالزامى اللى لابسها بدات تعرق..وايده ايضا" عرقانه..وماما جلست تتحدث عن بنتها وعملها!!
ولما سألته عن عمله وشغله..ازداد ارتباكا وحرجا"وفتح فمه ولم يتحدث..واخزت الخيط مامته..
ثم خالته ..وبدأت ماما تتكلم عن هوايتى فى التمثيل واذا به ينطق..فجاه..هو انتى بتمثلى؟؟ قلت احيانا"".. فتغيرت سحنته..
والتمثيل ده فيه بوس؟؟فكتمت ضحكتى وقلت..احيانا"وجدته ينتفض ويهب واقفا" فتقف مامته وخالته مره واحده..
ومش حقوللكم ماما عملت فيا ايه بعد ما مشيوا..
ولما شرحت لماما انى فى السادسه والعشرين .. واعتقد انه اكبر من الخمسين!! وانه لايصلح للزواج اصلا ..وانه ... وانه..
حدثتنى عن العمر اللى بيجرى .. وان امراضها زادت.. وانها خايفه ان متلحقشى تفرح وكأن مفيش فرح الا بالزواج...........
اليوم السبت ومازلت اضحك.................... اضحك..................
هو لسه فى عرسان بالشكل ده...............................................
ولسه باضحك.........................................................................