مساءالخميس الماضى رجعت من الشغل الساعه خمسه مساء وجدت ماما مخليه الشقه على سنجة عشره..خير يا ماما؟؟
بسرعه يا بنت ادخلى لتاخدى دش وعلشان فى ناس جايين يشوفوكى .. خير يا ماما؟؟ يشوفونى ليه؟؟عريس يا بنت!!ومامافى
بسمة الواحد والخمسين .. بسمتها جميله.. مين ياماما؟؟ فخرى ابن اخت طنط ايزيس وده يا سعاد خريج سياسه واقتصاد وشغال
فى توكيل سيارات..وبياخد اكتر من الفين جنيه!! ومش كبير اوى ده مكملشى اربعه واربعين..
قلت ماشى اشوفه.وبعد ماعملت شعرى ولبست بنطلون جينز وتى شرت فوشيا .. وعلى الساعه التاسعه والنصف ماما جرت
تفتح الباب ودخلت طنط ايزيس وطنط تريزا ومعاهم منير!!ودخلت وسلمت وجلست اشاهد منير!!مااقدرشى اوصفه لكن اللى خدت
بالى انه لايقل (شكلا) عن الخمسين.. والنظاره قعر كوبايه.. والخجل .حدث ولا حرج!! ولما شرب عصير الفراوله.. وجدت الكوب
اصابته الرعشه..والعين بدأت فى البربشه.. وكل ما يفتح فمه علشان يسأل اويتكلم .. ينظر لمامته او لخالته..
وتبدأ مامته وخالته فى الحديث ويقفل فمه من تانى!!.
ولاحظت ان البدله الالزامى اللى لابسها بدات تعرق..وايده ايضا" عرقانه..وماما جلست تتحدث عن بنتها وعملها!!
ولما سألته عن عمله وشغله..ازداد ارتباكا وحرجا"وفتح فمه ولم يتحدث..واخزت الخيط مامته..
ثم خالته ..وبدأت ماما تتكلم عن هوايتى فى التمثيل واذا به ينطق..فجاه..هو انتى بتمثلى؟؟ قلت احيانا"".. فتغيرت سحنته..
والتمثيل ده فيه بوس؟؟فكتمت ضحكتى وقلت..احيانا"وجدته ينتفض ويهب واقفا" فتقف مامته وخالته مره واحده..
ومش حقوللكم ماما عملت فيا ايه بعد ما مشيوا..
ولما شرحت لماما انى فى السادسه والعشرين .. واعتقد انه اكبر من الخمسين!! وانه لايصلح للزواج اصلا ..وانه ... وانه..
حدثتنى عن العمر اللى بيجرى .. وان امراضها زادت.. وانها خايفه ان متلحقشى تفرح وكأن مفيش فرح الا بالزواج...........
اليوم السبت ومازلت اضحك.................... اضحك..................
هو لسه فى عرسان بالشكل ده...............................................
ولسه باضحك.........................................................................
الاشتراك في:
تعليقات الرسالة (Atom)
يسعدني انى اول واحد اعلق على البوست ده ولو انها امور شخصية بحته
ردحذفاما عن العريس فوصفك ليه كده بيفكرني بالراجل اللى كان دايما يقول
يا حلاوة بتاع مسرحية شفيق يا راجل ... وربنا يكرمه بحد زيك يظبطه
اما عن ماما
فهي من الجيل القديم بقى اللى زي العسل الجيل البركة وعندهم الفرحه مش انك
تاخدي اليسانس ولا البكالوريا لا الفرحه الكبيرة يوم ما تشوفك في بيت العدل
هههههههههههه زي ما بيقولوا .. ربنا يخليهالك يارب
التمثيل
بصراحه يا سعاد انا بموت في السينما وبحب التمثيل وكنت مشترك في فريق مسرح
مدرستنا في ابتدائي واعدادي لكن للاسف من اول الثانوية مرورا بالكلية انعزلت عن
النشاطات دي لكن كان ليا نشاط مع اصدقائي وكنا هنعمل زي تجربة رجال لا تعرف المستحيل للاسف لم تكتمل التجربة دي لكن كنت دايما اسرح وياخدني خيالي واقول
ياترى يا واد يا احمد لو باضت لك في القفص زي الولاد بتوع ورقة شفرة هتعمل ايه في قصة البوس والاحضان والمشاهد دي كان سؤال محيرني ومش لاقيله اجابه
ياريت لو تقدري تجاوبيني هكون شاكر قوي .. وانا مش قاصدي احرجك - ده لو فيها احراج - وشكرا قوي وربنا يارب يكرمك بفتى احلامك
ومطمنتنيش عملتي ايه في مشكلة المياه والريسيفر والنور بتاعة العمارة بتاعتكم
يارب تكون اتحلت
سلام يا سعاد
انا قعدت اضحك قوى فعلا مش عارفه ايه الى حصل فى الدنيا بقى عادى ان واحد فى الاربعين او الخمسين يروح يتقدم لبنات فى العشرينات حاجه غريبه
ردحذفانا مبسوطه انك رفضطيه لكن اكيد مامتك زعلانه
ردحذفالمهم صحتها وحييجى الف عريس جديد.................
اين i google
ردحذفعندما دخلت مدونتي وجدت اخر تدوينه لكي بعنوان i google
بعد ان ضغطت على i google قال لي الصفحه غير موجودة ؟؟؟؟
ياريت تطمنينا عليكي
SMM PANEL
ردحذفSmm Panel
İş İlanları
instagram takipçi satın al
hirdavatciburada.com
BEYAZESYATEKNİKSERVİSİ.COM.TR
SERVİS
Tiktok Para Hilesi İndir